Google ADS

Kovaçevski: Takimi me Petkovin thekson rëndësinë e dialogut mes dy vendeve fqinje

12:06 | 18 Janar 2022
A. B.

Kryeministri i Republikës së Maqedonisë së Veriut, Dimitar Kovaçevski, me një ceremoni shtetërore priti kryeministrin e Republikës së Bullgarisë Kiril Petkov, i cili ka mbërritur për një vizitë zyrtare njëditore në vendin tonë.

“Është kënaqësi dhe nder i madh që sot pres një delegacion qeveritar nga Republika e Bullgarisë, i kryesuar nga kryeministri Kiril Petkov, i cili ndodhet në një vizitë zyrtare në Republikën e Maqedonisë së Veriut.

Në takimet e sotme theksohet rëndësia e bashkëpunimit intensiv dhe dialogut mes dy vendeve fqinje, bazuar në vlerat evropiane dhe respektin reciprok, shkruan në profilin e tij në Facebook Dimitar Kovaçevski.

Në Qeveri janë zhvilluar takime të ndara në mes të zv. kryeministrit për Çështje Evropiane Bojan Mariçiq me Kristian Vigenin, nënkryetar i Kuvendit Popullor të Republikës së Bullgarisë, si dhe ministrat e Transportit dhe Lidhjeve të dy vendeve Blagoj Boçvarski dhe Nikollai Sabev./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm